Jesus tek di case an gimme di pillow;

Almighty, dis heat fierce

A lion’s bite don’t hurt as much

Not even wata fi tears;

Is just afta 10 a.m.

An ah judgement pon di lan

Di heat is like di seventh dimension of di Sahara dry lan;

Di young palm dem scorch to death

Di grass dryer dan di inside of mi hose

An di wata is as scanty as a father led family in the third world;

Des days mek fi tan inna house

An live unda fan or occupy a seat at wuk right unda di AC;

Di picknie dem just a raid di mango tree like leggo beast

I wonda is who gwaan clean up all dat mess

When dem dun wid Ms. Punsie mango tree;

Ah sah! Jamaican people nuh easy yuh nuh

Look how di ooman gaan a farin gaan wuk likkle money

Only fi di unrepentant tief dem fi desecrate har yaad;

Me hear di fan a wail like ooman a gi birth

It betta nuh gi up nuh ghost in yah;

Dis retched heat outrun, outsmart, outplay any menopause

Cause me lef side feel like a witch at di stake;

Oh refiners of Solomon

Tek heed to me soul Lawd God

Di time hotter dan a trains steam engine

Rollin thru Babylon;

But I nah gi up hope

Till massa God free wi wid some rain

But dis too shall pass sah, Even if it mean fi weather two hurricane.

---

About the Writer:

Poetess Defy is a Jamaican author, and poet, whose work is deeply rooted in the cultural rhythms, spiritual grounding, and lived experiences of the island she calls home. Born in Kingston and shaped by the vibrant communities of Harbour View, Windward Road, Rockfort, and Seaview Gardens; she has spent more than two decades writing, teaching, and preserving Jamaican stories through her creative and educational work.

As a writer, she has authored more than eighty books. Her work is guided by a deep love for Jamaica, a commitment to truth, and a desire to uplift and inspire. Her poetry, in particular, captures the humor, resilience, struggles, and beauty of Jamaican life, offering readers an intimate window into the island’s spirit.

Books by Poetess Defy