By: Denise N. Fyffe.
Copyright © 2017, Poetess Defy, Denise N. Fyffe

Now tell mi if di journalist nuh mad,
Fi go look pon 20 foot wave,
A wash pon land.
Afta yuh see sey one camera man almost drown,
Yuh a try get shot of Palisadoes grung;

Is anyting else damage?
Is yuh car alright?
Cause mi waan fi knuh,
Wah yuh a do inna storm 2’oclock a night?

Now tell mi if dis journalist nuh crazy,
Dem a go geh wi heart failure,
Or mek we have premature baby.
We jus waan knuh sey oonu safe an sound;
We nuh waan visit nuh burial ground.
Next ting di eulogy go read,
Great Jamaican, good friend father of some well sown seed;

Please mi a beg oonu nuh mek mi heart skip a beat;
Tek care, report good;
And of foolish acts, please beware.

Related articles

• Mi god, what a heat (theislandjournal.wordpress.com)
• Jamaican Poet Ishion Hutchinson Interviewed by Leanne Hayes (theislandjournal.wordpress.com)
• Confessions of a Jamaican Shopaholic (theislandjournal.wordpress.com)
• Jamaican Wedding: Planning a Fun and Unforgettable Wedding Reception (theislandjournal.wordpress.com)