By: Denise N. Fyffe.
Copyright © 2012, Poetess Defy, Denise N. Fyffe

Oonu see it,
Dem yah storm yah no sweet.

Mi wrap up cozy inna mi bed,
Next ting mi knuh,
Rain a fall inna mi head.

Nuh sick it want to make me sickly,
But one dime me nuh have,
Afta me nuh picknie;
Nuh free health care mi nah go get,
Cause dah age deh, done lef.

Mi pray and hope to God
Likkle fenzic lef inna mi bag;
Mi get up and walk go check di house,
Cause mi nuh waan wake up,
To nuh river course.

Roof leak,
Window leak,
Door leak, cho;
Mi caan wait till dis yah Gustav storm
Gaan tomorrow.

Mi crawl back inna mi bed,
And see seh a just afta 11,
God dis dread.

Mi wrap up, cova up and pray to Massa God
Sidung pon di roof lawd,
Cause insurance high, bad.
A ya yi.